আপুনি সপোন দেখে নে?(ইয়াত আকৌ টোপনিত দেখা সপোনৰ কথা সুধা হোৱা নাই দেই) আপুনি জীৱনটোৰ পৰা কি আশা কৰে?
আমি জীৱনটোত প্ৰত্যেকে কিছুমান নহয় কিছুমান আশা লৈ জীয়াই আছো।প্ৰত্যকৰে কিবা নহয় কিবা এটা কৰা/পোৱাৰ আশা থাকে। আশা আছে বাবেই জীৱনটো ইমান সুন্দৰ।জীৱনটোত কিমান আশাৰ মৃত্যু ঘটে কিমান আশাৰ সৃষ্টি হয় তাৰ কোনো হিচাপ নাই! কিন্তু আমি কেতিয়াওঁ হতাশ হৱ নালাগে।কাৰণ কয় নহয় এখন দুৱাৰ বন্ধ হ'লে আন এখন দুৱাৰ আপোনাৰ বাবে সদায় খোলা থাকে। মই ভাবো জীৱনতো হ'ল আশা,সপোন এইবোৰক লৈয়ে গঠিত। আশা আছে বাবেই আমি জীয়াই থকাৰ প্ৰেৰণা পাওঁ। আশা আছে বাবেই আমি আমাৰ কৰ্মবোৰ নতুন উদ্দ্যমেৰে কৰি যাবলৈ সাহস পাওঁ।
কিন্তু ভগৱান শ্ৰীকৃষ্ণই কৈছিল-কৰ্মই ধৰ্ম। কৰ্ম কৰি যোৱা ফললৈ আশা নকৰিবা। বাস্তবক্ষেত্ৰত এই কথাষাৰ খুব কমহে প্ৰযোয্য। কাৰণ আমি হলো সাধাৰণ নৰ-মুনিচ; আমি সকলোৱে কম বেছি পৰিমানে আশা কৰোয়ে। আশা আছে বাবই জীৱনটো ইমান সুন্দৰ। যদি নিৰ্দিষ্ট এটা ফল আগত ৰাখি কৰ্ম কৰো তেন্তে আমি ভবাতকৈ বেছি সফলতাৰ পোৱাৰ সম্ভাবনা থাকে। কাৰণ আমি ফলৰ কথা ভাবিলে পূৰ্ণ উদ্দ্যমেৰে কাম কৰাৰ মনোবল পোৱা যায়। ধুনীয়া ধুনীয়া আশা কল্পনা কৰিও আমি ভাগি পৰা জীৱনটো সুন্দৰ কৰিবলৈ উৎসাহ পোৱা যায়। আমি সদায় ডাঙৰ ডাঙৰ সপোন দেখা উচিত। কাৰণ ডাঙৰ সপোন দেখিলেহে কম পৰিমাণে হলেও আমি সফল হ'ম। সেয়েহে আমি নিৰ্দিষ্ট এটা ফলৰ আশা কৰি কৰ্মবোৰ কৰি যোৱা উচিত।
হয় ইয়াত এটা কথা নুই কৰিব নোৱাৰি যে অত্যাধিক আশাই আমাৰ জীৱনলৈ হতাশাও নমায় আনে। কাৰণ আমি আশা কৰা ধৰণে যদি ফল লাভ নকৰো তেন্তে মনোকষ্ট পোৱা যায়। এইটোও দেখিছো যে অত্যাধিক আশা বিফল হোৱাৰ বাবে কিছুমানে আত্মহত্যাৰ পথ পৰ্যন্ত বাছি লয়।সেয়হে আমি সদায় মনত ৰখা উচিত যে চেষ্টাৰ অসাধ্য একো নাই আৰু নিজকে জীৱনৰ যিকোনো পৰিস্হিতিৰ বাবে সদায় সাজু কৰি ৰখা উচিত। কাৰণ ওপৰত কৈছোৱে এখন দুৱাৰ বন্ধ হ'লে আন এখন দুৱাৰ সদায় খোলা থাকে;কেৱল সঠিক সময়ত সঠিক সিদ্ধান্ত লোৱাৰ প্ৰয়োজন।
® Neeta Nandini
Comments
Post a Comment